Assiliap ilisarnaatitta aarnuaaqqap oqaluttuassartaa


Kalaallit Forsikring isumaqarpoq Kalaallit Sillimmasiisarfiat. Iluseerannguaq qiperugaq ilisarnaatitsinniittoq aarnuaavoq immikkorluinnaq ittoq. 

Aarnussap oqaluttuassartaa imaappoq: 

”Piluusamik napparluni naasimasumik nassaaraanni issunersaalu atorlugu inuusamik qiperuilluni, taanna nukappiaqqap nasaata ataanut qilissaaq. Tassa piluusat napparlutik naanikut sakkortunermik uummanertunerummata nunakkut sanimut naanikuninngaanniit, aarnuallu taamaattup nukappiaraq inersimasunngujaartiinnarnagu aamma qitia nukittuunngortittarpaa, allaat nakimaalluni ersigisaqarnani inuunini ingerlassinnaallugu.” 

Piluusat inuit issittormiut nukittussutsimut eqaassutsimullu ilisarnaatitut isigaat, inuuniarnermi pinngortitarsuup pissaaneranut akiuussinnaanissaq naleqqussarsinnaanissarlu piumasaqaataasumi. Kisianni aamma issittumi inummut kulturianullu piluusaq assiliatut isigineqarsinnaavoq.