Naammagittaalliornissamut


Sullitatta amerlanersaat naammagisimaarinnipput. Kisianni ilaanni paatsuisoqartarpoq ilaannilu kukkusinnaasarluta. Taamaammat sullitanut ingerlatsinermi misissuisartoqarpugut, uagutsinnit sullinneqarnerit naammaginngikkukku saaffigisinnaasat. Neriuginartumillu ilisimasaqarnerulersimassaagut sullissinerpullu aammalu tuniniakkagut pitsaanerulersissinnaallugit ilinnut sullitatsinnullu allanut nuannaarutaasussamik. 

Oqarasuaatikkut oqaloqatigiinneq naammassinnaavoq

Suliakkiussannut tunngasumik apeqqutissaqaruit nassuiaanneqarnissallu pisariaqartillugu, taava sullillisut sianerfigiinnassavat, taassuma suliamik misissueqatigissavaatit apeqqutitillu akillugit. Taamaaliornikkut suliat amerlasuut naammassineqareertarput. Kisianni aaqqiissutissamik isumaqatigiissinnaanngikkussi, taava sullitanut ingerlatsinermi misissuisartoq saaffigisinnaavat. 

Sullitanut ingerlatsinermi misissuisartup ikiussavaatit

Sullitanut ingerlatsinermi misissuisartup suliaq isinik nutaanik isigalugu misissussavaa. Tassani suliakkiussavit qanoq suliarineqarsimanera taarsiissutaasullu misissorneqassapput. Sullitanut ingerlatsinermi misissuisartup suliaq nammineerluni nalilersussavaa nassuiaallutillu, aalajangiinermut suna tunuliaqutaanersoq. Kisianni immikkut ittoqartarpoq: Sullitanut ingerlatsinermi misissuisartup suliarineq ajorpai, suliat ingerlasut imaluunniit siusinnerusukkut eqqartuussivinni, sillimmateqarnermi maalaartarfimmi allaniluunniit maalaarfissani suliarineqarnikut. Taamaallaat eqqaamassavat sullitanut ingerlatsinermi misissuisartumut suliakkiussiniarlutit kissaateqaruit, kingusinnerpaamik ukiup affaa qaangiutsinnagu If-ip aalajangiineranniit tunniussissagavit.

Sullitanut ingerlatsinermi misissuisartup aalajangiinerani isumaqataanngikkuit, allanik periarfissaqarputit – takuuk saamiup tungaaniittoq periarfissanik qinerlerffik.

Ajutoorsimanermi immersugassaq

Qallunaatuuani "Ved skade" ajutoornermi immersugassat aaneqarsinnaapput.