Uani takusinnaavatit imminermut sillimmasiinermut paasissutissat.


Kalaallit Sillimmasiisarfiat ukiut 100-it sinnerlugit Kalaallit Nunaanni niuernermik ingerlataqareerpoq, taamatumalu malitsigaa sumiiffinni pissutsinik ilisimasaqarluarnerput, sulisuttalu imminermut sillimmasiinermut neqerooruteqartarneq, akinik unammillersinnaasunik – sukkasuumik eqqortumillu aammalu iluarisimaarnartumik sullissineq pingaartillugu. 

Makkuninnga imminermut sillimmasiisarpugut: 

  • Illumi pigisanik sillimmasiineq
  • Illunik sillimmasiineq
  • Ajoqusernermut/ajoqusersinnaanermut sillimmasiineq
  • Bil-inik sillimmasiineq
  • Qimmimut/qimmeqarnermut akisussaasuunermut sillimmasiineq
  • Umiatsianik nuannaariutinik sillimmasiineq

Sillimmatit ataatsimoortinnerani akikillisaaffigineqarneq. 

Nammineerisamik sillimmatitit uatsinni ataatsimoortikkukkit periarfissaqarputit 15%mik akikillisaaffigineqarnissamut (qimmimut sillimmat pinnagut) . Piumasaqaataavorli minnerpaamik nammineerisamik sillimmatit marluussasut, tassani illup iluani pigisanut sillimmasiineq pinngitsuugassaanani.  

Sillimmasiinerit assigiinngitsut sukumiinerusumik uani nittartakkatsinni allaaserineqarput.

Uani paasissutiinermi nalinginnaasumik allaaserineqarpoq sillimmatip suna matussusertarnerai. Sillimmatinni atuarsinnaavat illit matussusiineq suna toqqarsimanerlugu. Nalorniguit ajutoorneq matussuserneqarsinnaanersoq, innersuussutigissavarput sillimmasiinermi malittarisassat atuaqqullugit. 

Allannguutinik kukkunernillu – iluarsiinissamut pisinnaatippugut.