Illunik sillimmasiineq


Illuutillit amerlanerit illuminnut aningaasanik atugaqarput. Illuutilik aningaasanik atorniaruni, illu ikuallattoornissamut sillimmateqassaaq, attartortitsisumit illup nalinga qularnaveequsiunneqartarmat.

Kisianni illuutillit amerlanersaasa paasereerpaat, allanik soorlu anorersuarmik- aammalu imermik ajoqusernerit aningaasaqarnerminnut akornutigilersinnaallugit.

Malittarisassaq pingaarnertut illut sillimmaserneqassaaq nutaatut nalilittut – tunngaviusumik isumaqartoq – silllimmasiineq aningaasartaqanngitsoq. Ajornerpaamik pisoqassappat, illut nunguvilluni ikuallalluni, ilinnut isumaqarpoq, illu nalitsinni atortussat sanariaaserlu atorlugit sananeqaqqissasoq. 

Illunik sillimmasiineq minnerpaamik makkuninnga tunngaviusunik matussuserneqartarpoq: 

Illumik ikuallattoorneq- ilanngullugu piginnittutut akisussaasuunermik sillimmasiineq. 

Immikkut matussusiinerit makku pisiarisinnaavatit 

Illumut kasko- ilanngullugu eqqartuussisutigoortitsinissamut ikiorteqarnissamut sillimmat. 

Igalaat- aammalu asaffinnik sillimmasiineq 

Illup ikuallannissaanut sillimmasiineq

Matussuserneqartarput ajutoornerit tamarmik ikuallannermik, kallerup inneranik imaluunniit qaartoornermik pissuteqartut. 

Ajutoornerit, timmisartup nakkarneranik pissuteqartut, aamma matussuserneqartarput. 

Aningaasanik atorsimaguit illumik pisinissannut, attartortitsisup minnerpaamik piumasarissavaa illu ikuallattoornissamut sillimmaserneqarsimassasoq. 

Illumik piginnittutut akisussaasuunermik sillimmasiineq

Matussuserneqartarpoq eqqartuussisutigut aalajangiineq atuuttoq malillugu taarsiisussaatitaaguit. Taarsiissutigineqarsinnaasut tamakkiisut annerpaaffissaat inunnik ajoqusiinermi kr. 5.000.000,-iupput aammalu kr. 2.000.000,-it pigisanik ajoqusiinermi. 

Illumut kasko-mik sillimmasiineq

Matussuserneqartarput soorlu sialussuaarnermi- imaluunniit issangiarnermi imermik ajoqusiinerit. 

Issinneranik ruujorit qaartoorsinnaapput, kiassaatit, perusuersarfiit assigisaallu. 

Anorersuup illup qaliaa aserorsinnaavaa. 

Tassaanngaannartumik immartarfeqalernerup/erngarfeqalernerup, imermik, olie imaluunniit nillasaammik isaasoqalerluni, illu akornusersinnaavaa. 

Tillinniarfigitinneq aserorteriffigitinnerlu aamma takussutissaqanngitsoorneq ajorput. 

Eqqartuussisutigoortitsinissamut ikiorneqarnissamut sillimmasiineq

Illumik piginnittutut akerleriinnermik nalaataqaruit eqqartuussivitsigut aalajangigassamik, killiliussat iluanni eqqartuussisutigoortitsinissamut ikiorneqarnissat matussuserneqassaaq. Ima isumaqarpoq, sillimmatip eqqartuussissuserisumut aningaasartuutit allallu aningaasartuutaasut suliap ingerlanerani kr. 75.000,-it tikillugit akilissavai. Illit nammineq 10 %-ia aningaasartuutaasunit akilissavat, minnerpaamilli kr. 2.500,-it. 

Igalaat- aamma atortunik aalajangersimasumik ikkussukkanik sillimmasiineq

Sillimmatip matussusertarpai illumi sillimmasikkat ikkunneqarnikut illumi atasussatut inissitat inissinneqarfimminiitiinnarneqartullu. 

Nalingata sinneranik sillimmasiineq

Illut 50 %-ia sinnerlugu ajoquserpat illup nutaatut akianut naleqqiullugu, qinersinnaavat sinneruttoq ingitseriarlugu nutaamik illumik sanatitsineq. 

Kissaatigigukku illunik sillimmasiineq itinerusumik paasisaqarfiginissaa, tikilluaqquatsigit saaffiginninnissannut.