Suut umiatsiamut/angallammut sillimmasiunneqassanersut


Angallatit nuannaariut takutitsivoq naleqarluartutut, taamaammat pingaarpoq, sillimmaserluarsimanissat. If-imi angallatinik nuannaariutinik sillimmasiinermi pingasunnik sillimmatinik ataatsimi pissaatit: 

Kasko-mik sillimmasiineq

Kasko-mik sillimmatip matussusissavaa tillinniarfigitinneq, aserorteriffigitinneq, ikuallattoorneq qaartoornerlu aammalu ajoqusernerit amusinermi singitsinermiluunniit. Aammattaaq ajoqusernerit nunami angallannerani. Angallat nunamiinnermini uppisinneqarpat, uppinnerminilu ajoqusigaai aamma matussuserneqassapput. 

Akisussaasuunermut sillimmasiineq

Nuanneqaaq angalalluni, ajornartorsiuteqalaanngitsoornerlu ajorpoq. Aasaaneranili ajutoornissamut periarfissaqaqaaq angallatinut nuannaariutinut talittarfinni ulikkaavissuni. Arajutsiallakkaanni anoraasuaq, kallussaannaveeqqut annaaneqarluni, tassanngaannartumik angallammik allamik apuisoorneq. Taamaammat iluarnerpaavoq akisussaasuunermut sillimmateqarneq. 

Akisussaasuunermut sillimmatip matussusertarpai taarsiisussaatitaanermi akisussaaffik inunnik ajoqusiinermi kr. 5 mill. tikillugu pigisanillu ajoqusiinermi kr. 2 mill. tikillugu. 

Eqqartuussisutigoortitsinissamut ikiorneqarnissamut sillimmasiineq

Arlaatigut inuttut akerleriinnermik nalaataqaruit eqqartuussivitsigut aalajangigassamik, soorlu pisi-nermi tunisinermiluunniit, killiliussat iluanni eqqartuussisutigoortitsinissami ikiorneqarsinnaavutit. Ima isumaqarpoq, If-ip eqqartuussisorisunut assigisaanullu aningaasartuutit eqqartuussinerup ingerlanerani kr. 75.000,-it tikillugit akilissavaai. Illit nammineq 10 %-ia aningaasartuutaasunit akilissavat, minnerpaamilli kr. 2.500,-it. 

Nammineq qinikkamik sillimmasiineq – ajunaarneq/ajutoorneq

Imaq pinnguarfittut ulorianaatsuinnaanngilaq, angalaarnermi ilaasoqarniaruit, qulakkeertariaqarpat ilaasuit sillimmaserluarsimanissaat. Ukiumut aningaasat hundrede kronit amerlanngitsut atorlugit a-junaarnermut sillimmasiorsinnaavutit, ilaasut inuit arfinillit tikillugit matussusiisumik, taarsiivigitinnissamut qulakkeerisumik, ajunaartoqassagaluarpat, inuk ataaseq amerlanerilluunniit innarluuteqalissagaluarpata ajunaassagaluarpataluunniit. 

Angallatinut nuannaariutinut sillimmasiinermut sukumiinerusumik paasisaqarusukkuit saaffiginninnissannut tikilluaqquatsigit.