Bil-inik sillimmasiineq


Akisussaassusermut sillimmasiineq

Inatsisitigut piumasarineqarpoq, bil-illit tamarmik akisussaassusermut sillimmateqassasut. Tamanna aamma snescooter-inut, motorcykle-nut knallert-inullu atuuppoq. 

Sillimmatip matussusissavaa inunnik, qamutinik motorillinnik pigisanilluunniit ajoqusiiguit. 

Akisussaasuunermut sillimmatip matussusissavaa angallannermut inatsimmi aalajangersakkat akit atuuttut malillugit: 

  • Inunnik ajoqusiinerit kr. 50.000.000,-it tikillugit
  • Pigisanik ajoqusiinerit kr. 10.000.000,-it tikillugit 

Aningaasartaliussat ajutoornermi pisumi ataatsimi atuupput. 

Pingaartumik snescooter-inut, knallert-inut motorcykle-nullu kisiat neqeroorutigisinnaavarput inatsisit malillugit pisussaaffik akisussaasuunermut sillimmasiineq. 

Allanik sillimmasiineq

Kisimiillutit ajutooruit, imaluunniit aqqusinermi ajutoornermi illit pisuuguit, illit bil-innut ajoqusernerit taarsiivigissutiginavianngilatit, akisussaasuunermuinnaq sillimmasersimaguit. Taamaalillutit annaasaqarujussuarsinnaavutit, bil-it aseruilluni aserorpat. 

Kasko-mik sillimmasiineq

Isumannaassuseq toqqissisimanerlu pingaatikkukkit, taava kasko-mik matussusiineq tamakkiisoq qinissavat. Matussusiineq pitsaanerpaaq ajunngequteqarnerpaarlu pissavat. Tillinniarfigitinneq ajoqusernerillu tamangajammik matussuserneqartarput, ajoqusernerilli ikuallannermik, qaartoornermik, attuuttoornikkut sarfaarunneq (kortslutning), imaluunniit kallerup inneranik pissuteqartut pinnagit. Kissaatigigukku aamma/imal. ajoqusernerit taariikkanut tunngasunut matussusiineq, taava ikuallattoornissamut sillimmasiineq qinissavat. 

Ikuallattoornissamut sillimmasiineq

Ikuallattoornissamut sillimmasiineq qinerukku, taarsiivigitissaatit, bil-it annaagukku attuuttoornikkut sarfaaruttoornermi (kortslutning), qaartoornikkut, kallerup inneranik piaarinanilu ikuallattoornermi. 

Kasko- aamma/imaluunniit ikuallattoornissamut sillimmat tamatigut pilersinneqartarpoq inatsisit malillugit pisussaaffik akisussaanermut sillimmasiinermut katigullugu. 

Eqqartuussisutigoortitsinissamut ikiorteqarnissamut matussusiineq

Piginnittutut akerleriinnermik nalaataqaruit eqqartuussivitsigut aalajangigassamik, killiliussat iluanni eqqartuussisutigoortitsinissamut ikiorneqarnissat matussuserneqassaaq. Ima isumaqarpoq, sillimmatip eqqartuussissuserisumut aningaasartuutit allallu aningaasartuusaasut suliap ingerlanerani kr. 75.000,-it tikillugit akilissavaa. Illit nammineq 10 %-ia aningaasartuutaasunit akilissavat, minnerpaamilli kr. 2.500,-it. 

Nalunngittariakkat

Kasko-mik sillimmasiinermi ileqquusutut immikkut atortut matussuserneqartarput kr. 3.000,-it tikillugit. 

Immikkut atortut taaneqartarput bil-i sananeqarneraniit saniatigut atortut nammineq ikkussat. 

Soorlu makkuusinnaapput: 

  • Aluminium-ik sanaaq assakaasup ammalortortaa assakaasorlu (aasakkut ukiukkullu)
  • Kissarsuut uuliatortoq
  • Stereo-mik tusarnaarut
  • Attaveqaqatigiinnermut atortut
  • Ussassaarinermi folie (reklamefolie)
  • Bil-ip qaavani ilitsiviit (tag bøjler) 

Innersuussutigissavarput saniatigut sillimmasiinissat immikkut atortut naleqarneruppata ileqquusutut matussusiinermi. 

Bonus-inik naleqqussaaneq

Eqqumaffigiuk ajutuussagaluaruit marlunnik trin-inik utertinneqassagavit – sillimmatip ikileqqinneqarnissaanniit – ima paasisassaavoq akiliutigineqartartoq annertusissasoq. Ukiorli naallugu ajutoorsimanngikkuit siumut trin-imik ataatsimik nikissaaq – tassa akiliutigineqartartoq annikinnerulissaaq, ajutoorneq ajortut/pikkorivissut trin-iata angunissaata tungaanut. Ajutoorneq ajortut/pikkori-vissut trin-iat anguneqartarpoq ukiut arfineq pingasut ajutuunngiivilluni ingerlasimagaanni. 

Annertunerusumik bil-inik sillimmasiineq paasisaqarfigerusukkukku tikilluaqquatsigit saaffiginninnissannut.