Illumi pigisanik sillimmasiineq


Illumi pigisanik sillimmasiinermi matussuserneqartarput pisattat – aamma aningaasat – tillinneqarpata aserorneqarpataluunniit ikuallattoornermi-, imermik- imaluunniit tillinniarfigitinnermi ajoquserneqarpata. Illumi pigisanik sillimmasiinermut ilaapput inoqutigiit, imatut isumaqarpoq ilaquttat imaluunniit illumi najugaqatit, inuit allattorsimaffianni ilinni najugaqartutut nalunaaqqasut. Illumi pigisanik sillimmasiineq sisamanik sillimmatitaqarpoq ataatsimi: 

Illumi pisatanik sillimmasiineq

Sillimmasiissummut ilaapput illumi pigisatit nuunneqarsinnaasut

Atisat, pinnersaatit, pequtit, qalipakkat, radio, tv, video, sannatit ilaallu ilanngullugit taarsiivigineqassapput, soorlu tillinneqarpata imaluunniit aserorneqarpata ikuallattoornermi- aamma/imaluunniit erngup innarligaanik ajoquserneqarpata. Aamma aningaasat, kisianni annerpaamik kr. 10.000,- tikillugit taarserneqassapput. Pisatatit aamma matussuserneqassapput, kallerup inneranik imaluunniit tillinniarfigitinnermi aserorteriffigitinnermi ajoqusikkat. Aamma nillataartitat qerititalluunniit taar-serneqassapput aserorneqarpata sarfaarunnermi/sarfaarukkallarnermi. 

Akisussaasuunermi sillimmasiineq

Illit imaluuniit illoqat pisuulluni, inunnik, uumasunik pigisanilluunniit ajoqusiippat matussusiutissaqarluarputit. Tassa 5 mio. kr. tikillugit inunnik ajoqusiinermi aammalu 2 mio. kr. pigisanik ajoqusiinermi. 

Eqqartuussisutigoortitsinissamut ikiorteqarnissamut sillimmasiineq

Arlaatigut inuttut akerleriinnermik nalaataqaruit eqqartuussisutigut aalajangigassamik, taava killiliussat iluanni eqqartuussisutigoortitsinissami ikiorneqarsinnaavutit. Ima isumaqarpoq, eqqartuussisorisunut assigisaanullu aningaasartuutit sillimmatip kr. 75.000,- tikillugit matussusissavai. Illit nammineq 10 %-ia aningaasartuutaasunit akilissavat, minnerpaamilli kr. 2.500,-. 

Nammineq qinikkamik matussusiinerit

Periarfissaqarputit – tapiillutit – illumi pigisanik sillimmativit annertusinissaanut makkuninnga matussusiinernik. 

Igalaat aamma atortut aalajangersimasumik ikkussukkat

Sillimmatip matussusertarpai illumi sillimmasikkat ikkunneqarnikut illumi atasussatut inissitat, inissinneqarfimminiiginnartullu. Matussusiineq neqeroorutigineqartarpoq attartortunut attartornermi isumaqatigiissummi illup iluani aserfallatsaaliuisussaasutut pisussaaffeqartunut. 

Makkua pineqarput

Igalaat, illumut atasut 

Aquittarfiup issiavittaa, asaffiit/errorfiit aammalu uffarfik. 

Ajuqusernermi ataatsimi sillimmatip matussusertarpaa annerpaamik kr. 20.000,-

Nammineq akiligassaq kr. 700,-uvoq. 

Immikkut matussusiineq aningaasanut frimærkinullu katersanut

Nalinginnaasumik matussusiineq (sillimmasiissutip 5 %-ia annerpaamik kr. 15.000,- tikillugu) annertusineqarsinnaavoq annerpaamik kr. 15.000,-. Taamaalilluni annerpaamik sillimmasiissutaasoq kr. 30.000,-iulerluni. 

Immikkut matussusiineq Guld-inut Sølv-inullu

Nalinginnaasumik matussusiineq (sillimmasiissutip 10 %-ia annerpaamik kr. 40.000,- tikillugu) annertusineqarsinnaavoq annerpaamik kr. 40.000,- Taamaalilluni annerpaamik sillimmasiissutaasoq kr. 80.000,-iulerluni. 

Ilerrup inaanik sillimmasiineq

Matussusiinermut ilaapput ilivermut sillimmaserusutannut tillinniarneq imaluunniit aserorterineq. Taarsiissutigineqartussaq annerpaamik ajoqusernermi ataatsimi kr. 27,291,-iuvoq. Nammineq akiligassaq ajoqusernerni tamani kr. 700,-iuvoq. 

Toqqortanik sillimmasiineq (opmagasinering).

Matussusiinermut ilaapput ikuallanneq-, imermik-, tillinniarfigitinnermiluunniit toqqortanik ajoqusernerit. Piumasarisarparput paasitinneqarnissarput tamakkiisumik toqqortat sumi inissinneqarsimanersut. 

Eqqumaffigiuk matussusiinermut ilaanngimmat guld-inik sølv-iutinik imaluunniit pinnersaatinik tilliffigitinneq, taamattuttaaq matussusiineq pisariunngitsumik tillinniarfigitinnermi atorunnaartarpoq. 

Inigisaq inoqanngitsoq

Sillimmasiineq annertusineqarsinnaavoq inigisat inoqanngikkaluartoq saniatigut matussuserlugu nalinginnaasumit qaammatit arfinillit saniatigut. 

Sillimmammut aningaasartaliussassap naatsorsornissaanut immersugassaq ikiuutissaq: Skema til familieforsikring.pdf 

Kissaatigigukku illumi pigisanik sillimmasiineq itinerusumik paasisaqarfiginissaa, tikilluaqquatsigit saaffiginninnissannut.