Umiarsuaq annaasimagukku, utertissinnaaneranullu periarfissaqarnak, imaluunniit umiarsuaq ima aserortigisimappat allaat iluasartinnissaanut akilersinnaajunnaarluni, tamakkiisumik annaasaqarnermik taarsiiffigitissinnaanissamik piumasaqaateqarsinnaavutit.

Umiartsuaq assartukkallu ataatsimut navianartorsiortitsisumik  eqqorneqarpata taaneqartarpoq ataatsimoorussamik aseruatiterneq imaluunniit ”Havari Grosse”.
Aningaasartuutit umiarsuaq assartukkallu annaanniarnerani tassunga tunngatillugu aningaasartuutigisat, umiarsuup piginnittuanit assartukkanillu piginnittuinit avitseqatigiinneqartarput. Umiarsuup aningaasartuutai taakkununnga tunngasut matussusertarpagut.

Apornerup kingunerisaanik umiarsuup atortui nassataallu imaluunniit angallammik atortakkaminik kalitaminik ajoqusiisimappata apornermi, akisussaatitaasffik taanna taarsiiffigineqarsinnaavoq.

Ikuallattoornermi, ikkarlunnermi, kinngunermi il.il umiarsuaq aamma umiarsuup maskiinaa pingaarneq ajoqusersimappat taarsiiffigitissinnaaneq.

Maskiinap iluani ajoqusertoqarpat, assersuutigalugu akselitaa aserorpat taarsiiffigitissinnaaneq.

Sillimmasiisup akisussaaffii taarsiiffigisinnaavai, piffinni aalajangersimasuni inummut nalusamut, immami inatsit naapertorlugit, sillimmasiisup ilaatigut akisussaaffigisaani, assersuutigalugu umiiarnikumik piiaaneq. Kaskomik sillimmasiinerup iluaneereerpoq   apornermi akisussaaffimmik sillimmasiineq, aamma apornernik tunngasunik una sillimmasiinerup taarsiiffigisinnaavaa, apornermi akisussaanermik  taamaallaat apugaq sinneqartumik piumasaqaateqassappat.

Sorsuttoqarnerani umiarsuarmut  ajoqusernernut taarsiiffigitissinnaavoq.

Sermimit/sikumit aallaaveqartumit ajoqusernernit taarsiiffigitissinnaaneq. Makkuninnga ajoqusernerit, assersuutigalugu sermip qerruttoortitsineratigut qaartornerit taarsiiffigitissinnaanngilaq.

Umiarsuup tamakkiissumik annaasaqarneranit assartuinermut iseritassaagaluanut taarsiiffigitinneq. Kaskop tamakkiisumik nalingata 25%-ia sillimmasiinerup tamakkiisumik nalinga qaangersinnaanngilaa.

Umiarsuit kivippat, ilaatigut isertitassaagaluatit annaasatit taarsiiffigissavagut, aamma nutaamik imaluunniit atornikumik umiarsuarmut aningaasartuutitit taarsiiffigissavagut – umiarsuup kaskomik sillimmasiinerata annerpaamik 25%-ia.

Kaskomik sillimmasersimanermi taarsiiffigineqarsinnaasumik tunngatillugu, piffissami umiarsuup suliarineqarnerata nalaani aningaasanik isertitsivissaagaluit annaaneqartut taarsiiffigisinnaavagut.

Umiarsuarmi pisarisanut ajoqusersimasunut taarsiiffigineqarsinnaaneq, ilaatigut ima annaaneqartunik, assersuutigalugu umiarsuaq tamakkivillugu annaaneranut imaluunniit ajoquserneranut, assersuutigalugu olie-mik assartukkamik imaluunniit assinganik aniatitseriataarnerata kingunerisaanik.

Umiarsuarmiitinneqartut aalisariutit, umiiarnerup kingunerisaanik annaaneqarsimappata taarsiiffigitissinnaaneq. umiartornerup nalaani aalisariutit ajoqusersimappata atuutinngilaq.

Ilaatigut toqqortanut, peqqumaatissanut aamma umiartornermi atorneqartussanut umiarsuarmiittunut taarsiiffigitissinnaaneq.

Umiarsuarmik tamakkiisumik ajoqusertoqartillugu (assersuutigalugu 2. januar) sillimmasiinissamut  piumasaqaatit naapertorlugit ukioq naallugu akiligassaq akilertariaqarpoq . Taana aningaasartuut sillimmaserneqarsinnaavoq.

Umiarsuarmi innuttat pigisaat, kaskomik sillimmasiinermi taarsiiffigitissinnaasumik ajoqusersimappata taarsiiffigitissinnaapput.