Illumi pigisanik sillimmat

Ikuallattoornermi ajoqusernerit, kisianni aamma tillinniartoqarsimaneranit, tilleriaannarmi tillinnermit, ujajaanermit ersarissumillu tillinnermit, kiisalu saassutsinnermit atisat ajoqusersimasut taarsiiffigisinnaavai.

Taamatuttaaq imermit ajoqusernerit, uuliamit nillusaammit imerpalasumit assigisaanilluunniit  erngarnikkut (matumani seerinerunngitsoq kusernerilluunniit pinnagit) ajoqusernerit ikkussuutaneersut, akvariameersut allaneersulluunniit taarsiiffigisinnaavai.

Piaarinaatsoornermi inunnut, pigisaannut uumasuutaannullu illit ajoqusikkatit taarsiiffigineqarsinnaapput.

Inummut ajoqusiinerit 5 mio. koruunit pisattanullu ajoqusiinerit 2 mio. koruunit tikillugit taarsiiffigineqarsinnaapput.

Isumaqatigiinnginnermik nalaataqaruit, eqqartuussivitsigut aalajangerneqartariaqartumik, eqqartuussisutigoortitsinermi ikiorteqarnissaq amerlanertigut matussuserneqarsinnaavoq.

Eqqartuussisutigoortitsinermi ikiorteqarnissamut sillimmasiinikkut, eqqartuussissuserisunnut allanullu aningaasartuutitit, eqqartuussisutigoortitsinermut atatillugu 75.000 koruunit tikillugit taarsiiffigitissinnaaneq.

Aningaasartuutit katinnerisa 10 %-iat nammineq akilissavat, minnerpaamilli 2.500,- koruunit.

Sillimmasikkat, ikkunneqareersimallutik, sinilerneqareersimallutik arlaatigulluunniit sanaartukkami inissaminnut tamakkiisumik inissinneqareersimagunik, inissisimaffigisaminiillutillu aserorpata taarsiiffigitissinnaapput.

Attartornermut isumaqatigiissut naapertorlugu, illup iluani aserfallatsaaliinissamut pisussaaffeqartutut attartortitsisoq taarsiiffigineqarsinnaavoq.

Tassanngaannartumik ajoqusernerit taamaallaat ilaassaaq sillimmasiinermi allagartami ajutooratarsinnaaneq taanna ilanngullugu qularnaveeqquserneqarsimappat.

Tassanngaannartumik ajoqusernerit tassaapput ajoqusernerit avataanit tassanngaannartumik pisoqarneranit patsiseqartut.

Taamaattumik ajoqusernermut patsisaasoq ajoqusernerullu pinera ataatsikkut pissapput.

Standardimik sillimmateqarneq (sillimmasiinermi nalingata 5 %-ia annerpaamik 15.000,- koruunit) annertunerpaamik 15.000,- koruuninik ilaneqarsinnaavoq.

Taamaalilluni sillimmatip annertunerpaaffigissavaa 30.000,- koruunit.

Standardimik sillimmateqarneq (sillimmasiinermi nalingata 10 %-ia annerpaamik 40.000,- koruunit) annertunerpaamik 40.000,- koruuninik ilaneqarsinnaavoq.

Taamaalilluni sillimmatip annertunerpaaffigissavaa 80.000,- koruunit.

Illumi pigisanik toqqortaatinik ikuallattoornermit, imermit ajoqusernerit tillinniarnermilluunniit ajoqusernerit matussuserneqartarput. Toqqorsiviup adressiata paasinissaa piumasarissavarput.

Malugiuk guldinik, pisattanillu sølviusunik kiisalu pinnersaatinik tillinniarfigitinnerit matussuserneqassanngimmata, taamatuttaaq tilleriaannarmi tillinniarnerit matussuserneqarneq ajorput.

Iivermi sillimasersimasanni tillinnerit aamma/imaluunniit aserorterinerit matussuserneqartarput. Ajoqusernermut ataatsimut taarsiivigitinnerit annertunerpaamik 27.291 koruuniussapput.

Ajoqusernerni tamani nammineq 700,- koruunit akiliutigineqassapput.