Incoterms 2020
Incoterms sunaava?
Incoterms® tassaavoq nioqqutissianut tunniussinermi piumasaqaatinut nalimmassaatit arlaqartut.
Piumasaqaatit taakkartorpai, kikkut qaqugukkulluunniit pisiat angallanneqarnermini akisussaaffigigai, kikkut aningaasartuutit nammattussaanerai, aammalu pisisoq akiginiaasorlu tamarmik immikkut suut akisussaaffigineraat.
Nunarsuaq tamakkerlugu, pisortaniit eqqartuusiveqarfinniillu Incoterms 2010 akuerisaavoq.
Tunniussinissamut piumasaqaatinut qinigassat
Kikkut tamarmik nioqqutinik aamma nassiussanik tigusaqartut imaluunniit tunniussaqartut, Incoterms®-ip tunniussinissamut nassiussinissamut piumasaqaataa atortariaqarpaat.
Innersuussutigissavarput immikkut piumasaqaatit toqqassagit nammineq sillimatiliornissamut akisussaafitalimmik.
Taamaalillutit niuveqatippit sillimmasiisarfimmup ilisarnanngittumut sillimasiorsimanissaanut iliuuseqarnissaq pisariaqassanngilaq. Taamaalillutillu ajoquserneq sumilu qangalu pisimanera eqqartueqattaarutigisariaqanngilarsi.
Incoterms-ip nassuiaataa
Immikkut piumasaqaatit 11-t pillugit nassuiaatissai paasisaqarfigikkit, ataaniittut makkuallatsinnerasigut.
- FCA
- FAS
- FOB
- CFR
- CIF
- CPT
- CIP
- DAP
- DPU
- DDP
EXW - Ex Works (Named place; ex factory ex mill, ex warehouse etc)
Piffissaq sumiiffillu isumaqatigiissut aallaavigalugu, tuniniaasup nioqqutissat atuusinnaalerneraniit, pisiniartup akisussaaffigissavaa. Assersuutigalugu tuniniaasup fabrikkiani imaluunniit quersuaani. Tunniussiffissap tungaanut nassiussat assartorneqarneranut, akisussaaffiit aamma aningaasartuutit tamarmik, pisisup akisussaaffigai. Avammut nassiusseqqaartoqassagaluarpalluunniit pisisup aamma akisussaaffigissavaa.
Sillimmasiinissamut innersuut: Pisisoq sillimmasioreertariaqarpoq niuernissamut isumaqatigiissummi nassuiarneqareersumi piffissaq isumaqatigiissut naapertorlugu, piffimmiit piffimmut nassiussaq ingerlatinnginnerani.
Tuniniaasumiit pisisumut tunniussineq: tunisaqartup nioqqutissat majorallaffiani imaluunniit quersuani (isumaqatigiissummi erseqqissarneqarsimasumi).
FCA - Free Carrier (Named place)
Piffimmut nalunaarneqarsimasumut, nassiussisussamut siullermut, tuniniaasup nassiussassaq piareereerlugu tunniussavaa. Piffissaq piffillu isumaqatigiissuteqarnikoq tunngavigalugu, nassiussisoq imaluunniit nassiussivik siulleq, nassiussaq tunniunneqarpat, pisisup akisussaaffigaa. Pisinermi isumaqatigiissummi tamanna erseqqissaatigilluarneqassaaq.
Sillimmasiinissamut innersuut: Assartuinissaq pillugu pisisoq sillimmasiisariaqarpoq. Isumaqatigiissummi allanneqarsimasoq aallaavigalugu, tunniussivissap tungaanut , tuniniaasoq nassiussat sillimmasissavai.
Tuniniaasumiit pisisumut tunniussineq: Pisisup aalajangigaanik assartuussummik naammassillugu usingiarlugu.
FAS - Free alongside ship (Named port of shipment - kun søtransport)
Tuniniaasoq nioqqutissaq nassiunneqarnissaanut ingerlateqqinneqaqqinnissaanullu piereereerlugu, tulattarfimmi sumiiffissiorneqareersumi, umiarsuup sinaanut nassiussassaq tunniutissavaa. Umiarsuup eqqaanut nassiussassaq inissinneqarneraniit pisisup akisussaaffigissavaa.
Sillimmasiinissamut innersuut: tulattarfimmiit nassiunneranut pisisup sillimmasertariaqarpaa.
Pisisumut tuniniaasumiit tunniussineq: tulattarfimmi sumiiffissiorneqareersumut.
FOB - Free on board (Named port of shipment - kun søtransport)
Pisisumiit sumiiffissiorneqarsimasumit nassiussaq umiarsuarmut usilersoreernissaanut , tuniniaasup akisussaaffigissavaa. Nassiunneqaqqissagaluarpat tuniniaasup akisussaaffigissavaa. Nassiussaq umiarsuarmut usilersorneqareerpat, pisisup akisussaaffigilissavaa.
Sillimmasiinissamut innersuut: nassiussaq umiarsuarmut usilersorneqarneraniit, assortorneqarnera pisisup sillimmasertariaqarpaa.
Tunisisumiit pisisumut tunniussineq: umiarsuarmut naammassillugu usilersoreerlugu.
CFR - Cost and freight (Named port of destination - kun søtransport)
Sumiiffissioreerneqareersimasumi tulattarfimmi apuuffimmut aningaasartuutit tamarmik tuniniaasup akilissavaai. Kisianni nassiussaq umiarsuup saavanut tunniunneqarnissaata tungaanut pisiniartup akisussaaffigissavaa, aamma umiarsuarmut nassiussaq usilersorneqarnerata nalaani akisussaaffik pisisup akisussaaffigigaa.
Sillimmasiinissamut innersuut: assartuinerup nalaani pisiniartoqsillimmasiissaaq.
Tuniniaasumiit pisisumut tunniussineq:
umiarsuarmut naammassillugu usereernissaata tungaanut.
CIF - Cost, insurance and freight (Named port of destination - kun søtransport)
Aningaasartuutit tamarmik tuniniaasumit akilerneqassapput, sillimmasiineq aamma sumiiffissiorneqareersumullu tulattarfimmut apuunnissaataa tungaanut assartuineq ilanngullugu. Nassiussat umiarsuarmut usilersoreerpat pisisussap akisussaaffigissavaa. Tulattarfimmut apuuffissamut sumiiffissiorneqareersumut assartorneranut sillimmasiineq tuniniaasup pisiarissavaa, pisisumit akilersillugu.
Sillimmasiinissamut innersuut: tulattarfimmut tikiffissamut ilanngullugu, Institute Cargo Clauses (C ) -ip piumasaqaatai naapertorlugit anguneqarsinnaasumik tuniniaasoq sillimmasiisariaqarpoq.
Tuniniaasumit pisisumut tunniussineq: umiarsuarmut naammassillugu usereernissaata tungaanut.
CPT - Carriage paid to (named place of destination)
Tikiffissaq tunniunneqafissaq malillugu nassiussinissamut tuniniaasoq akiliissaaq, kisianni angallassisussamut imaluunniit tunniussivissamut siullermiit tunniunneqareerpat pisisup akisussaaffigissavaa.
Sillimmasiinissamut innersuut: assartuinerup nalaani pisisoq akisussaasuseqarpoq sillimmasiisariaqarlunilu.
Tuniniaasumit pisisumut tunniussineq: pisinissamut isumaqatigiissut aallavigalugu sumiiffissaq isumaqatigineqartumi.
CIP - Carriage and insurance paid to (named place of destination)
Assartornissaanut sillimmasernissaanullu tuniniaasoq akiliissaaq, kisianni assartuinissamut ingerlatsivimmut nassiussassat tunniunneqarneraniit pisisup akisussaaffigissavaa.
Sillimmasiinissamut innersuut: tikiuffisap tungaanut tikinneranullu sillimmasiineq atuutissaaq, tuniniaasumit pisiarineqartumit, pisisumit akilerneqartumik. . Institute Cargo Clauses (C ) -ip piumasaqaatai naapertorlugit anguneqarsinnaasumik sillimmasiisoqassaaq.
Tuniniaasumiit pisisumut tunniussineq: pisinissamut isumaqatigiissut aallavigalugu sumiiffissaq isumaqatigineqartumi.
DAP - Delivered at place (named place of destination)
Sumiiffissiorneqareersumi usilersunnginneranut isumaqatigiissutaasumut nassiussap assartorneqarnissaanut tuniniaasup sunut tamanut akisussaaffigaa. Tuniniaasumit nassiussap piffimmi aaliangiussami tunniunneraniit pisisup akisussaaffigaa. Piffik nassiussap pisisumut tiguneqarfissaa isumaqatigiissummi ersissaaq.
Sillimmasiiissamut innersuut: isumaqatigiissummi piffimmut aalajangersarneqarsimasumut tuniniaasoq sillimmasiisariaqarpoq.
Tuniniaasumiit pisisumut tunniussineq: isumaqatigiissummi piffimmut aalajangerneqareersumut, usingiarneqanngitsoq.
DPU - Delivered at Place Unloaded (named terminal at port or place of destination)
Piffik aalajangerneqareersumut nassiussaq usingiareernissaata tungaanut tuniniaasup akisussaaffigissavaa. Usingiarneqareerluni aaneqarnissaminut piareereerluni pisisup nassiussaq akisussaaffigissavaa. Tunniussivik sumiinersoq (umiarsualivik, tulattarfik, aqqusineq, qimuttuitsut aqqutaat imaluunniit timmisartoqarfiit) piffimmut aalajangersimasumut, nassiussaq usingiarneqareernerminiit sumi tigusariaannaanera, isumaqatigiissummi allaqqassaaq.
Sillimmasiinissamut innersuut: nalunaarsorneqarsimasutut tunniussisarfimmi nassiussaq usingiarneqareernissaata tungaanut tuniniaasoq sillimmasiisimasariaqarpoq.
Tuniniaasumiit pisisussamut tunniussineq: tunniussivimmi isumaqatigineqareersumi, usingiarneqareerluni.
DDP - Delivered duty paid (named place of destination)
Assartuinissamut aningaasartuutit tamarmik tuniniaasumit akilerneqassapput, aamma nassiussap tunniunneqarnissaata tungaanut akisussaaffigissavaa. Allamik isumaqatigiittoqarsimanngippat, toldimut akitsuutinut tuniniaasoq ajornanngippat aamma akiliisariaqarpoq. Piffimmi aalajangerneqareersumi nassiussaq tigusariaannaalerpat, pisisup akisussaaffigilissavaa.
Sillimmasiinissamut innersuut: tuniniaasoq sillimmasiisariaqarpoq. Assartuinerup nalaani tuniniaasoq akisussaatitaavoq.
Tuniniaasumit pisisumut tunniussineq: : pisisumut piffimmut aalajangerneqareersumut, usingiarneqanngitsoq.
